КАЖИ НЕШТО - Настан и искуство за сите средношколци

На 10 Мај 2014 со почеток во 15:30 часот во просториите на МКЦ - Младински Културен Центар во Скопје се одржа финалната вечер на натпреварот во блогирање Кажи нешто. 

На настанот беа воведени работилници, т.е. предавања: 

Online уметност - Димитар Атанасов и Бојан Гавровски 

Социјални медиуми - Александра Христова и Ива Дујак

Како да преживее вашиот бренд онлајн - Дарко Булдиоски

Дигитална писменост - Илина Јакимовска

Rock n Roll, Blog n Troll - Леон Бакрачески 

Ивана Карова во зборникот "Rukopisi 37"

Фестивалот "Rukopisi 37" кој годинава ќе се одржи во Панчево, Србија неодамна ги објави учесниците кои конкурираа на конкурсот од поранешните Републики на Југославија. 

Право на учество имаа сите момчиња и девојки од 15 до 30 години кои се од поранешните Републики на Југославија.

Годинава на конкурсот за зборникот конкурирале 250 автори од кои биле избрани само 46. 

Дамјан Павлов: Јас сум реалист – секогаш на работите гледам со максимална реалност

Потрагата по таленти во истокот продолжи и на наша огромна среќа наидовме на Дамјан. Поточно станува збор за Дамјан Павлов од Виница кој има 15 години и поседува повеќе таленти кои му донесоа огромни успеси. Се надеваме дека тој како и сите наши досегашни ликови на блогот ќе ве инспирира и ќе ве потикне да работите на вашите таленти и желби.

Твое време: Со оглед на тоа што знаеме дека си успешен на повеќе полиња, кажи ни што е она што највеќе те исполнува?
Дамјан: Од мали нозе растев со математиката и уметноста. Она што ме исполнува е она што ме прави среќен. Природните науки, актерството и уметноста ми го исполнуваат секој ден. Свирам и пијано, но оваа година направив мала пауза. Се надевам дека ќе продолжам наскоро.

Твое време: Што е она во кое си најуспешен, а што е она во кое сакаш да го работиш во идинина?
Дамјан: Најуспешен сум во сето она што го работам. За мојата професија во иднина се' уште размислувам. Планирам да се запишам на Медицински факунтет, a во слободно време да се занимавам со нештата кои ги правам сега.

Успесите во СОУ "Гошо Викентиев" не запираат

СОУ "Гошо Викентиев" - Кочани иако веќе неколкупати се докажа како училиште со многу успеси и признанија, деновиве сработениот филм  со наслов "Заедно да го насмевнеме светот" од страна на екипа од ученици се најде на списокот на најдобрите десет во натпреварот МАССУМ 2014, кој годинава ќе се одржи на 2 и 3 мај во Крушево. 

Ментор е професорката Павлина Атанасова, за која учениците велат дека секогаш ги поддржува во сите проекти и натпревари. Режијата е на ученикот Дени Илиов од четврта година. Сценариото е на Ивана Карова, ученичка во втора година, додека видео монтажата е на Гоце Димитров од четврта година. Актерската екипа ја сочинуваат: Христина Милцова, Виктор Крстевски, Иван Златанов, Горан Андов, Егбил Саидов и Славчо Јованов.

Екипата која работеше на филмот

Јована Јорданова: Најголемата поддршка и причината за мојата среќа е моето семејство

Истокот навистина раѓа таленти. Јована Јорданова е девојката која уште еднаш ќе ни го потврди тоа.

Станува збор за 15 годишна ученичка во СОУ "Љупчо Сантов" која поседува голема страст и љубов кон актерството. Стапивме во контакт со Јована, па проследете го нашиот разговор.

-Твое време: Кажи ни нешто повеќе за тебе. Што е она што најмногу те исполнува? 

-Јована: Здраво, ви благодарам што се сетивте и на нас актерите. Во животот најмногу ме исполнува актерството. Ме релаксира и ме исполнува, кога се соживувам со ликовите заборавам на се' останато.

-Твое време: Дали актерството е твоето хоби или пак работата која навистина сакаш да ја работиш? 

Одбележан Светскиот ден на книгата и авторското право во ЈОУБ "Искра"

На ден 24.04.2014 во 14:00 часот во просториите на ЈОУБ "Искра" беше одбележан Светскиот ден на книгата и авторкото право.

Членовите на ЛК "Копнеж" се претставија со свои литературни творби, а сите присутни добија книга и цвеќе. 

Читањето беше посветено на книгата, а беа прочитани и пораки од УНЕСКО и македонската порака од нашиот автор Митко Маџунков.

СОУ "Гошо Викентиев" - Кочани и оваа година учесник на МАССУМ

Како и секоја година, така и оваа СОУ "Гошо Викентиев" се најде меѓу учесниците на МАССУМ. Учениците во последните подготовки, ни ги споделија импресиите и очекувањата.

-"Ќе дадеме се' од себе, ќе се потрудиме да бидеме меѓу најдобрите, како и секогаш. Знаеме дека конкуренцијата е голема, но сепак веруваме во нашите знаења и квалитети. Нашите ментори се нашата најголема поддршка, како и нашиот директор Димче Сребренов. Нашето досегашно искуство не прави уште поспремни, веруваме дека од Крушево ќе се вратиме со многу награди и признанија." - изјавија учениците од втора, трета и четвра година.

Учениците од СОУ "Гошо Викентиев" на МАССУМ 2013, Тетово

Ангелчо Илиевски гостин во М.О. Авангарда во СОУ "Гошо Викентиев"

Веќе традиционално секоја година во М.О. Авангарда при СОУ "Гошо Викентиев" гостуваат познати личности од нашиот крај. Минатата година нивен гостин беше комичарот Бојан Велевски. 

Овојпат по желба на учениците и членовите на М.О. Аванграда гостуваше познатиот режисер и актер Ангелчо Илиевски. 

Ангелчо Илиевски своето основно и средно образование го завршува во Кочани, во негониот роден град. Средното училиште го завршил во СОУ "Гошо Викентиев" и бил поранешен претседател на М.О. Авангарда.

Моментално е студент на Драмскиот факултет во Скопје.

Илиевски на денешното гостување учениците ги запозна со познатите форми на театарот, што претставува театарот и друго.
-"За да бидеш актер и да успееш во оваа професија, треба да жртвуваш многу работи" - кажа Илиевски.
-"Зошто дозволуваме секој човек после неговата смрт сосем да се заборави? Верувајте во себе, отворете ги очите и направете нешто вешто и вистинско за да се зборува за вас и после стотина години." - додаде.

Ивана Карова - КОЛУМНА: Приказните секогаш имаат две страни

И додека размислував како да почнам да пишувам за оваа тема, се обидував да го најдам основниот проблем со кој се соочуваме денес. Но овде сте и вие да ми помогнете, зар не? 

Верувам дека и вам како и мене ви е смачено од безначајните празни муабети за тоа какво момче имала другарката на другарка и, што се случувало минатата недела, колку добро и стоеле потпетиците на девојката, колку момчиња имала, а била во основно итн. Верувам дека ви е смачено и од постојаното озборување и исмејување, било на ваша или нечија сметка. Мислам дека е време да ги формулираме сфаќањата и јадрата, т.е. мотивите на овие зла, заеднички.

Пред некое време прочитав: „Озборувањето е опиум за потиснатите“. Кога подобро би тргнале кон сознанијата, би се соочиле со околностите. Околностите во кои постоиш и ти. Дали го знаете она чувство кога несигурно и со страв чекорите со железни обувки по подот од стакло? Толку тивко за да не ги разгорите бунтовните фантазии на луѓето. Се прашувам, што е она што не прави толку “љубопитни”? Кукавички е да му судиш на некого кој не е тука за да се одбрани. Само ограничените озборувачи зборуваат за луѓе наместо за нешта. Што би рекол еден другар: “Само ограничените умови се занимаваат со останатите и борбата за врвот.”

Професори од СОУ "Гошо Викентиев" - Кочани во Германија

Група професори од СОУ "Гошо Викентиев" - Кочани се во посета на градот Ахен - Германија, каде во рамките на проектот финансиран од Националната агенција за Европски образовни програми и мобилност (преку Програмата Доживотно учење), ќе презентираат сопствени изработки на картинг и лего роботи од  СОУ "Гошо Викентиев" - Кочани.  

Промоција на монографијата "Кучичино - минато, сегашност и иднина"

Денеска во просториите на ЈОУБ "Искра" во Кочани се одржа промоција на монографијата "Кучичино - минато, сегашност и иднина" чиј автор е Славица Цветкова, професор по македонски јазик и литература во СОУ "Гошо Викентоев" - Кочани и воедно претседател на ЛК "Копнеж".
"Кучичино - минато, сегашност и иднина" е монографија за селото Кучичино во која авторот пишува и ги искористува сознанијата добиени од теренското истражување.
Кучичино е село кое денес припаѓа на Општината Чешиново - Облешево.

Зоран Мицев: "Коцките ми се редат така како што треба, а најмногу ме радува љубовта"

Зоран Мицев живее во Кочани. Пишува поезија и е член на Литературниот клуб "Копнеж" од Кочани. За себе вели дека е позитивна и амбициозна личност и дека најмногу го радува љубовта. Неговата права книга беше издадена во 2012 година, а веќе подготвува и нешто ново. Прочитајте нешто повеќе за овој млад автор. 

Твое време: Кажете ни нешто повеќе за вас. Што е она што најмногу ве радува во животот?

Зоран Мицев: 100% сум свој-оригинален, добра и позитивна личност, упорен, амбициозен. Ќе цитирам една мисла - "Својот успех го должам на тоа што со почит сум ги ислушувал добрите совети, а потоа сум го правел токму спротивното"-Г.К.Честертон. Ме радува самиот живот, го живеам секој момент од животот, коцките ми се редат така како што треба, а најмногу ме радува љубовта.
Твое време: Кога беше издадена вашата книга и какви успеси ви донесе?

Зоран Мицев: Мојата стихозбирка "Темјанушка" беше издадена во 2012 година. Не сакам и не можам да кажам дека сум на врвот, но ми се случуваат многу убави, добри и позитивни нешта. За кратко време и со само една книга постигнав огромен успех и стекнав огромна популарност не само во Р.Македонија, туку и надвор од нејзе. Мојата поезија е позитивно прифатена и оценета од читателската публика и критичката јавност. Резиме-промоции,манифестации,прилози на веб порталите Зеница.мк,Think.mk, Комарец.мк, во локални весници и брошури, во книги на други автори, на двете локални телевизии и на многу страници поврзани со поезија и проза, редовен член во ЛК "Копнеж" итн.

Ивана Карова - КОЛУМНА: Стравот од исмејување - пречка кон успехот

Кога ја наполнив мојата 16-та година мислев дека сите околу мене ми се непријатели. Ги одврзав јазлите на трпението и повеќе се посветив на самодовербата и почита кон самата себе, оставајќи доволно длабока јама помеѓу мене и егото, за да останам спремна за во самоодбрана. 

Помина и тоа. Сега сум само личност која строго гледа на работите кон себе, барајќи уште (кога станува збор за надградувањето на самата себе). Во меѓувреме наидувам на сопатници, личности кои се подготвуваат за тој пат, барајќи парче поддршка иако мотивот веќе го имаат. Конечно дојдовме до јадрото на темата: Стравот од неуспехот, стравот од товарот, стравот од исмејување.

Кога станува збор за стравот од исмејување, во овој случај личноста се наоѓа во зоната на совладување, поточно зоната во која дозволува останатите да командуваат со неа. Едноставно кажано, личноста има талент, можност, скромност, желба, надеж дека ќе успее, поддршка од родителите, но огромен страв од исмејување од околината, т.е. публиката пред која ќе се прикаже сработеното. Ваќа умираат дел таленти секојдневно, додека тивко се повлекуваат во силуетата на рамката од неостварени идеи.

Ивана Карова: "Премногу сум врзана за семејството, тоа е мотивот за моите успеси"

Позитивна, насмеана и полна со енергија. Таква ја сретнавме Ивана Карова додека следевме културна манифестација во Домот на културата. Си ги споделивме импресиите од настанот, па љубопитно чепнавме во нејзиниот приватен живот и откривме нови работи и успеси. 

Твое време: Твојата прва книга беше издадена во 2011 година. Ти донесе големи успеси. Дали подготвуваш нешто ново? 

Ивана: Помина многу време од промоцијата на мојата прва книга, но добро се сеќавам дека тогаш пред најблиските ветив дека нема да застанам таму. Пишувам да, дело со поинаква форма. Моментално вложувам многу во него, се надевам на добар плод. 

Твое време: "Поезијата е мојата прва љубов" - изјави пред 2 години пред локалните медиумски телевизии. Од кога пишуваш и кои се твоите почетоци?

Ивана: Пишувам и творам од кога ги научив буквите и потоа веднаш станав член на ЛК "Копнеж" (се смее). Цели 9 години растам и созревам во тој клуб. Стекнав големо искуство од страна на повозрасните членови. Им благодарам.

Твое време: Дали е тешко да се пишува поезија? 

Ивана: Мојата професорка по Македонски јазик и литература Љубинка Донева, вели: "Поезијата е она најчистото и највистинското јадро. Ако имаш стотина камчиња песок, ти треба да ги избереш најдобрите и најсјајните, вклопувајќи ги на вистинското место во стихот. Па така, поезијата за разлика од прозата е потешка за создавање".

Маријана Николова: Секогаш велам: „Ако нешто треба да ми се случи мене, ќе ми се случи баш тогаш кога треба“

Маријана Николова е девојка со своја успешна кариера. Повеќе позната во својот град Виница, па да ја запознаеме и ние.

Твое време: Кажи ни нешто повеќе за тебе. Што е она што те прави среќна и што  најмногу сакаш да правиш?
Маријана: Типична девојка. Ме прави среќна насмевката на луѓето што ги сакам и што ми значат, убавите зборови и блискоста која ја имам со нив.
Твое време: Автор си на твое дело. Кога беше издадена книгата и дали пишуваш ново дело?
Маријана: Промоцијата на книгата беше на 25 мај 2012 година. Отогаш па до сега не престанав да пишувам. Планирам моето второ дело да излезе до крајот на јуни.
Твое време: Од кого ја добиваш најголемата поддршка?
Маријана: Најголемата поддршка ја добивам од семејството и од најблиските роднини. Пријателите се исто така секогаш тука за мене и дел од професорите во гиманзијата.

Александар Арсов: Се има посебна убавина, добриот фотограф треба да ја препознае и да ја искористи

Уште една талентирана личност во нашето градче Кочани. Случајно го фативме "на дело" во паркот со својот фотоапарат, па си направивме муабет. Станува збор за Александар Арсов, момче со преголема страст и љубов кон фотографирањето. 

Твое време: На интернет порталите веќе подолго време се популарни твоите фотографии. Кажи ни нешто повеќе за твојата љубов кон фотографирањето. Колку време се занимаваш со фотографирање?

Александар: Морам да признаам дека тоа беше љубов на прв поглед.   Добро се сеќавам кога ‟еден прекрасен сончев викенд‟ со моите пријатели излеговме да прошетаме. Бевме мали. Имавме околу 11 или 12 години.

Сретнавме пријатели кои беа повозрасни од нас, а едниот од нив носеше фотоапарат.

ЈУБИЛЕЈНО ИЗДАНИЕ НА ДАФ

Годанава ДАФ прославува јубилејно издание, поточно Кочани ќе биде домаќин на 50-тото јубилејно издание на Драмскиот Аматерски Фестивал (ДАФ) од 26 до 31 Мај.

 Пријавувањето за годинешната јубилејна културна манифестација завршува заклучно со 31 Март.



За проектите и драмите кои ќе се прикажуваат е составена комисија која ќе ги избере најдобрите до 30 Април.

Од септември ромскиот јазик ќе се изучува како изборен предмет во Кочани

Ромскиот јазик полека е во изумирање, учениците од ромската националност зборуваат се повеќе на македонски или турски јазик, велат надлежните од училиштата.

Со цел зачувување и враќање во употреба на ромскиот јазик децата во училиштата ќе имаат право да изберат да учат ромски јазик веќе од септември.


Засега изучувањето на ромскиот јазик ќе се спроведе во ОУ "Раде Кратовче" - Кочани, поради големиот број ромски ученици каде моментално ги има 157.

Учениците од ООУ "Раде Кратовче" му помогнаа на малиот Петар

Во спортската сала во Кочани, учениците од ООУ "Раде Кратовче" оранизираа хуманитарна забава, воедно и ревијален натпревар во кошарка помеѓу наставниците и родителите на учениците од училиштето.

Љубов, вино и стихови - членовите на ЛК "Копнеж" ги одбележаа двата празника

На ден 13.02.2014 година во просториите на ЈОУБ Искра членовите на ЛК "Конеж" ги одбележаа двата празника. Тие пред кочанската публика се претставија со свои дела посветени на празниците  „Свети Трифун“ и „Свети Валентин“.

На крајот од манифестацијата беа доделени наградите за најредовни читатели. Најредовен читател кај возрасните е Лидија Дојчинова, а Катерина Трифунова кај децата со повеќе од 150 прочитани книги во 2013 година.

Ана Дедова: Мојата мисија е да допрам до сечие срце

         
          Веќе позната помеѓу кочанската публика. Цврста зад своите дела и горда на своите успеси. Ана Дедова е уште еден кочански бисер кој го краси нашиот град со својот талент. Нејзините дела и творби сведочат за нејзината работа и визија, а нејзината ведрина и пријатност се доказ дека таа е една прекрасна личност.

КОЛУМНА - Говорење во јавност: Трема, страв или искажување идеи?

Секоја личност е статуа за доказ на свое постоење, своја самостојност и цврст карактер кога станува збор за неговите особини. Човек почнува да живее, кога ќе успее да се надживее себе си. Затоа додека се трудиме да бидеме пример за совршеност во овој 21 век, најпрвин да ги согледаме причините кои не базираат кон таа мисла. Никој човек не е совршен, а и ти си човек. Позитивната мисла и оптимизмот се само мал дел од сето она кое можеш ти самиот да го создадеш, кога станува збор за среќата.

Хуманитарен концерт во градот на оризот

Организаторот на концертот, Тоше Илиев

Веќе втора година по ред Тоше Илиев го организира овој хуманитарен концерт под наслов "По патеките на Тоше". Концертот се одржа во спортската сала во Кочани, по повод роденденот на музичката ѕвезда Тоше Проески.