Ангелчо Илиевски гостин во М.О. Авангарда во СОУ "Гошо Викентиев"

Веќе традиционално секоја година во М.О. Авангарда при СОУ "Гошо Викентиев" гостуваат познати личности од нашиот крај. Минатата година нивен гостин беше комичарот Бојан Велевски. 

Овојпат по желба на учениците и членовите на М.О. Аванграда гостуваше познатиот режисер и актер Ангелчо Илиевски. 

Ангелчо Илиевски своето основно и средно образование го завршува во Кочани, во негониот роден град. Средното училиште го завршил во СОУ "Гошо Викентиев" и бил поранешен претседател на М.О. Авангарда.

Моментално е студент на Драмскиот факултет во Скопје.

Илиевски на денешното гостување учениците ги запозна со познатите форми на театарот, што претставува театарот и друго.
-"За да бидеш актер и да успееш во оваа професија, треба да жртвуваш многу работи" - кажа Илиевски.
-"Зошто дозволуваме секој човек после неговата смрт сосем да се заборави? Верувајте во себе, отворете ги очите и направете нешто вешто и вистинско за да се зборува за вас и после стотина години." - додаде.


-"Во секој од вас овде има потенцијал кој води до нешто големо. Никогаш ништо не се знае. Можеби некои од вас ќе бидат оние кои навистина ќе го променат светот. Отворете ги очите, размислувајте длабоко и дејствувајте најбрзо што можете. Времето лета многу побргу отколку што мислите!" - на крај кажа Илиевски, при што учениците му се заблагодарија со огромен аплаус.

Негови познати драми се: "Цензор", "Сејач на деца" и други.